రుద్ర హోమము (19-10-2025)

ఆరోగ్యం – శాంతి – గ్రహదోష నివారణ కోసం పవిత్ర రుద్ర హోమం

ఆశ్వయుజ మాసం మహాదేవుని ఆరాధనకు అత్యంత పుణ్యదాయకమైన కాలం. ఈ మాసంలో వచ్చే మాస శివరాత్రి శుభదినం, భక్తుల జీవితాల్లో శాంతిని, శక్తిని, ఆధ్యాత్మిక మార్గాన్ని కలిగించేది. ఈ మాసంలో శివుని పూజ, అభిషేకం, జపం, హోమం వంటి కార్యాలు అనేక రెట్లు ఫలితాన్నిస్తాయి. అశ్వయుజ మాస శివరాత్రి రోజు శివుని కృపను పొందడానికి అత్యంత శుభతరమైన సమయం.

శివుడు ఈ మాసంలో ‘అనుగ్రహ స్వరూపుడిగా’, భక్తుల అభీష్టాల‌ను తీర్చే దయామయుడిగా దర్శనమిస్తాడు. ఈ మాసంలో శివునికి అర్చనలు చేసిన వారు ఆరోగ్యం, ధనసంపత్తి, విద్య, గురుకృప, శాంతి, ఐశ్వర్యం వంటి అనేక ఆశీర్వాదాలను పొందుతారు.

ప్రపంచాన్ని రక్షించేందుకు తాండవం చేసిన త్రినేత్రుడు, కాల మహాకాలుడు, విశ్వనాయకుడు అయిన శంభు – మనకోసం కరుణాస్వరూపంగా లీలలు ఆడే మహాదేవుడు. భక్తుల మనస్సుల్లో ప్రవహించే భయం, బాధలు, అనారోగ్యాలను దూరం చేయడానికి, శాంతి, ఆరోగ్యం, ధన, ఐశ్వర్యాన్ని ప్రసాదించడానికి ఈ హోమం అత్యంత శ్రేష్ఠం.

ఈ మాసశివ రాత్రి పర్వదినాన విద్యారణ్యం వేద పాఠశాలలో, శాస్త్రోక్తంగా శ్రీ రుద్ర హోమం నిర్వహించబడుతోంది. అనుభవజ్ఞులైన వేద పండితులచే, మీ గోత్ర నామంతో, ఈ హోమం ప్రాచీన వేద విధానంతో జరుగుతుంది.